کمـزوري
دومره کمزوري شوم له خپل کور شړل کیږمه
لـکه یتـیم خــپـله کـوڅـه کی رټـل کــــیـږمــه
د بل مزدور زما د کور کلی خاوند جوړ شو
د یو غـلام حاکـم په حـکم وهــل کــــیږمــه
زه ګنـاه ګار یم ما د ځان سـره جــفا کــړیده
چی ورځ تر بلې له پرون کــمزوری کیږمه
مانه د مور د شــیدو سـتره بی قدرې شویده
ځکه د ځمکې په لوی کور کی ځانته کیږمه
هلته می ورورمورچه نیولې ګزارونه کوی
دلتـه هـم اورکی د مـیرې د زوی سـوزیږمه
دا سرزورې می کمزورې ده خو ځان نه پوهوم
کـــبر نیــولی یــم نـا پــوه یــمه غـرقـــیږمه
رانه د کلی کلیوال هـم مــرور دي واړه
ورو ورو له خپـلو کلیوالو هـم بیــلـیــږمـه
نومبر/۳/۲۰۲۳
تورنتو- کاناډا
د اړیکو لپاره، لطفاً په لاندینیو پتو موږ سره په تماس کې سۍ
nasharat@ariana-afghanistan.com او یا info@ariana-afghanistan.com
د مدنی او سیاسی حقوقو د بین المللی میثاق د ۲۰مې مادې پر بنسټ، د جنگ دپاره تبلیغ او، مذهبی، توکمنی، ژبنی او داسی نورو کرکو ته هڅول او بلنه، څې په زور او زیاتی اوړي، ممنوعه خپرونې بلل کیږي او د خپریدو نه به ئی ډډه وسي.