ناکام
nasharat@ariana-afghanistan.com او یا info@ariana-afghanistan.com
۲۰۲۳/۱۲/۲۳
ناکام
ستا زړه ته د لارې په میندلو کی ناکام شـومه
زه د خپـلې میـنې په روزلو کی ناکام شـومه
۷مات می زنځیرونه د پولادو کړه یو بل پسی
څه وشـو؟ د واک په چـلولو کی ناکام شـومه
زه د زمانې د کاروانـونـو سـر لښـکر ومه
ګوډ شومه منزل ته، رسیدلو کی ناکام شومه
ښکارې موراو پلار، نیا او نیکه راته ښیرا کړې
لـوبه می ګټـلې وه، سـاتـلـو کی ناکام شـــومه
ولس رانه پردی شو، کوراوکلی راته بد ګوری
بیـا د خپـلو ورونو خپـلولو کی ناکام شــومه
نوم د عـدالت باندی می ډیرې وینې توې کړلې
جوړشومه قاضي خوانصاف کړلو کی ناکام شومه
دیرې دعـاګانې کلمې می په ځان چـف کـړلـې
لا شومه کمزوری، په لارتللو کی ناکام شــومه
نورو می له ډیرې ساده ګۍ نه ګټه پورته کړه
خپـلو کلیـوالو ته، کار کـړلو کی ناکام شـومـه
۲۰۲۳ / ۰۸ جولای
ایجکس – تورنتو – کاناډا
د وبپاڼې د پرانستلو(۲۰۲۱/۰۹) راهیسې
د اړیکو لپاره، لطفاً په لاندینیو پتو موږ سره په تماس کې سۍ
nasharat@ariana-afghanistan.com او یا info@ariana-afghanistan.com
د مدنی او سیاسی حقوقو د بین المللی میثاق د ۲۰مې مادې پر بنسټ، د جنگ دپاره تبلیغ او، مذهبی، توکمنی، ژبنی او داسی نورو کرکو ته هڅول او بلنه، څې په زور او زیاتی اوړي، ممنوعه خپرونې بلل کیږي او د خپریدو نه به ئی ډډه وسي.